“Barselona” va “Atletiko” hujumchi “Yuventus”da ijarada o‘ynayotgan Alvaro Morataning transferi borasida bir qarorga kelgan bo‘lsa-da,  Turin klubi ispan grandlarining xatti-harakatlaridan mamnun emaslar. Sababi, “keksa sinyora” rahbariyatidan tashqari jamoa bosh murabbiyi Massimiliano Allegri ham futbolchi bilan xayrlashmoqchi emas. 

Jurnalist Janluka di Marsioning so‘zlariga ko‘ra, murabbiy Moratani o‘zining taktik tarkibidagi asosiy figura deb biladi. Allegriga hujumchining mavsumning birinchi qismida o‘zini ko‘rsatgani yoqdi va mutaxassis hujum chizig‘ida unga o‘rinbosar yo‘qligidan ham xavotirda.

Qayd etilishicha, Allegri bu haqda futbolchiga shaxsan ma’lum qilgan. Aytgancha, Morata joriy mavsumda “Yuventus” safida 23 ta o‘yinda 7 ta gol urgan.