“Барселона” ва “Атлетико” ҳужумчи “Ювентус”да ижарада ўйнаётган Алваро Моратанинг трансфери борасида бир қарорга келган бўлса-да,  Турин клуби испан грандларининг хатти-ҳаракатларидан мамнун эмаслар. Сабаби, “кекса синьора” раҳбариятидан ташқари жамоа бош мураббийи Массимилиано Аллегри ҳам футболчи билан хайрлашмоқчи эмас. 

Журналист Жанлука ди Марционинг сўзларига кўра, мураббий Моратани ўзининг тактик таркибидаги асосий фигура деб билади. Аллегрига ҳужумчининг мавсумнинг биринчи қисмида ўзини кўрсатгани ёқди ва мутахассис ҳужум чизиғида унга ўринбосар йўқлигидан ҳам хавотирда.

Қайд этилишича, Аллегри бу ҳақда футболчига шахсан маълум қилган. Айтганча, Мората жорий мавсумда “Ювентус” сафида 23 та ўйинда 7 та гол урган.