Karlo Anchelotti o‘z intervyusida “Roma” klubi haqida gapirdi. Murabbiy ilgari Rim klubini boshqarishi mumkinligini tan oldi. Shu bilan birga, italiyalik mutaxassis hozir Joze boshchiligidagi “bo‘rilar”ning porloq kelajagiga ishonishini ta’kidladi.
“Mourinyo - ajoyib murabbiy va yaxshi inson. U doimo to‘g‘ridan-to‘g‘ri gapiradi. Menga Mourinyo juda yoqadi. Menimcha, klub hozir ishonchli qo‘llarda”, - dedi Anchelotti “Il Messaggero” nashriga bergan intervyusida.
Ma’lumot o‘rnida, “Roma” ayni paytda A seriya turnir jadvalida oltinchi o‘rindan joy olgan. Jamoa o‘n to‘qqizta o‘yinda yettita mag‘lubiyat alamini totib ko‘rdi.
