Карло Анчелотти ўз интервьюсида “Рома” клуби ҳақида гапирди. Мураббий илгари Рим клубини бошқариши мумкинлигини тан олди. Шу билан бирга, италиялик мутахассис ҳозир Жозе бошчилигидаги “бўрилар”нинг порлоқ келажагига ишонишини таъкидлади.
“Моуриньо - ажойиб мураббий ва яхши инсон. У доимо тўғридан-тўғри гапиради. Менга Моуриньо жуда ёқади. Менимча, клуб ҳозир ишончли қўлларда”, - деди Анчелотти “Il Messaggero” нашрига берган интервьюсида.
Маълумот ўрнида, “Рома” айни пайтда А серия турнир жадвалида олтинчи ўриндан жой олган. Жамоа ўн тўққизта ўйинда еттита мағлубият аламини тотиб кўрди.
