"Tottenxem" bosh murabbiyi Antonio Konte hujumchi Harri Keynning jamoasi uchun ahamiyati haqida gapirdi.
"Men yozda sodir bo‘lgan vaziyat haqida bilardim va Harri "Tottenhem"da qolishga qaror qilganida, men ushbu loyihada to‘liq ishtirok etgan futbolchini ko‘rdim. Agar biz biror narsa yutmoqchi bo‘lsak, unda Harri tayanch nuqtasi bo‘lishi kerak.
Men Harrining ahvolini tushunaman. Faoliyatingizni yakunlaganingizda, siz o‘ynagan o‘yinlar va jamoalaringizni eslaysiz, lekin shu vaqt ichida nima yutganingizni ham ko‘rishni xohlaysiz. Bu, ayniqsa, top o‘yinchilar uchun muhim.
O‘ylashimcha, "Tottenxem" meni taklif qilganida, ular hammaga, balki bizning futbolchilarga ham signal berishni xohlashdi. Biz shunday vaziyat yaratishga harakat qilishimiz kerakki, unda barchamiz ishtirok etamiz va g‘alabalar uchun kurashamiz", - deya Kontening so‘zlarini keltiradi Sky Sports.
