"Тоттенхэм" бош мураббийи Антонио Конте ҳужумчи Ҳарри Кейннинг жамоаси учун аҳамияти ҳақида гапирди.
"Мен ёзда содир бўлган вазият ҳақида билардим ва Ҳарри "Тоттенҳэм"да қолишга қарор қилганида, мен ушбу лойиҳада тўлиқ иштирок этган футболчини кўрдим. Агар биз бирор нарса ютмоқчи бўлсак, унда Ҳарри таянч нуқтаси бўлиши керак.
Мен Ҳаррининг аҳволини тушунаман. Фаолиятингизни якунлаганингизда, сиз ўйнаган ўйинлар ва жамоаларингизни эслайсиз, лекин шу вақт ичида нима ютганингизни ҳам кўришни хоҳлайсиз. Бу, айниқса, топ ўйинчилар учун муҳим.
Ўйлашимча, "Тоттенхэм" мени таклиф қилганида, улар ҳаммага, балки бизнинг футболчиларга ҳам сигнал беришни хоҳлашди. Биз шундай вазият яратишга ҳаракат қилишимиз керакки, унда барчамиз иштирок этамиз ва ғалабалар учун курашамиз", - дея Контенинг сўзларини келтиради Sky Sports.
