"Chelsi" bosh murabbiyi Tomas Tuxel Angliya liga kubogi 1/2 finalining birinchi o‘yinida "Tottenxem"ni mag‘lub etganidan keyin (2:1) o‘z fikrlari bilan o‘rtoqlashdi.

“Biz bu g‘alabaga munosib bo‘lganimizni his qilish, ajoyib natija. Natija o‘yinning qanday borishini aks ettiradi, biz ko‘proq gol urishimiz mumkin edi, garchi “Tottenxem”ga gol urish oson bo‘lmasa-da.

Biz juda ko‘p imkoniyatlar yaratib, ajoyib daqiqalarni o‘tkazdik. Javob uchrashuvi juda qiyin bo‘lishini hamma tushunib turibdi, hali hech narsa hal qilingani yo‘q.

Konsentrasiyani yo‘qotmasdan mas’uliyat bilan o‘ynadik. So‘nggi haftalarda o‘ynamaganlar ishonchli harakat qilishdi”, – dedi Tuxel.