«Ferensvarosh» bosh murabbiyi Stanislav Cherchesov klubdagi ilk matbuot anjumanida o‘zining ish uslubi haqida gapirdi.

«Professional jamoada qat’iy qoidalarga amal qilish, har kuni reja asosida ishlash va intizomli bo‘lish muhim.

Bir kishining istaklari boshqalardan muhimroq bo‘lishi mumkin emas, har kim o‘z ishini qilishi kerak. Bu mening kashfiyotim emas, bu shunchaki professional futbol qanday ishlashi haqidagi qoidalar.

Bu yerda hech qanday anarxiya yoki demokratiya bo‘lishi mumkin emas, bu futbol jamoasi. Har bir futbolchining jamoada o‘z uslubi bo‘lishi kerak.

Agar men o‘zimni bir so‘z bilan ta’riflashim kerak bo‘lsa, men o‘zimni demokratik diktator deb atagan bo‘lardim», — deydi Cherchesov.

Eslatib o‘tamiz, Cherchesov bungacha Rossiya milliy terma jamoasini boshqargan edi.