“Lester” “Bryugge” hujumchisi Sharl de Ketelar transferi bo‘yicha taklif tayyorlamoqda, deya xabar beradi “RTL Belgium” nashri jurnalisti. 

Manbaga ko‘ra, “tulkilar” 20 yoshli futbolchi bilan yozgi transfer oynasida rasman shartnoma imzolashdan oldin bahorga qadar dastlabki kelishuvga erishishga umid qilishmoqda.

Qayd etilishicha, futbolchiga “Real” va PSJ ham qiziqish bildirgan. Sharlning transfer narxi 40 million yevroga baholanmoqda.

Shuningdek, avvalroq hujumchiga “Liverpul”dan qiziqish borligi haqida xabarlar tarqalgan edi.