“Лестер” “Брюгге” ҳужумчиси Шарл де Кетелар трансфери бўйича таклиф тайёрламоқда, дея хабар беради “RTL Belgium” нашри журналисти. 

Манбага кўра, “тулкилар” 20 ёшли футболчи билан ёзги трансфер ойнасида расман шартнома имзолашдан олдин баҳорга қадар дастлабки келишувга эришишга умид қилишмоқда.

Қайд этилишича, футболчига “Реал” ва ПСЖ ҳам қизиқиш билдирган. Шарлнинг трансфер нархи 40 миллион еврога баҳоланмоқда.

Шунингдек, аввалроқ ҳужумчига “Ливерпуль”дан қизиқиш борлиги ҳақида хабарлар тарқалган эди.