«Tottenxem» bosh murabbiyi Antonio Konte Kristian Eriksen o‘zini yana futbol o‘ynashga tayyorligini eshitganidan xursand bo‘ldi.

29 yoshli daniyalik yarimhimoyachi yaqinda bu yil Qatarda bo‘lib o‘tadigan jahon chempionatida maydonga tushish istagini bildirgandi.

Bugun ertalab bo‘lib o‘tgan matbuot anjumanida yig‘ilgan jurnalistlar bilan suhbatda Konte Eriksenning ahvoli va «Tottenxem»ga qaytish ehtimoli borligini muhokama qildi.

«Yaqinda men Kristian bilan gaplashmadim. Albatta, uni maydonda ko‘rish, to‘p tepayotganini ko‘rish ajoyib bo‘ldi. Gap haqiqatan ham muhim o‘yinchi haqida ketyapti.

«Bu yozda sodir bo‘lgan voqea u bilan birga ishlagan odamlar va uni taniganlar uchun og‘riqli edi.

O‘sha paytda men qo‘rqib ketdim. Endi esa uni yana futbol o‘ynashga tayyorligini ko‘rish - ajoyib yangilik. Menimcha, Kristian uchun eshigimiz har doim ochiq», — deydi Konte.