Madridning "Atletiko" klubi navbatdagi transfer oynasida "Leypsig" himoyachisi Nordi Mukiyele bilan shartnoma imzolamoqchi.
Ma’lumotlarga ko‘ra, futbolchining o‘zi "matraschilar" safida o‘ynashni xohlaydi va bu klub bilan shartnoma imzolash variantini qo‘ldan boy bermoqchi emas. Ammo, "Leypsig" himoyachisi bilan xayrlashish niyati yo‘q. Shuning uchun, "buqalar" "Atletiko" bilan muzokaralarga kirishishdan bosh tortmoqda.
Ma’lumot uchun, fransiyalik 24 yoshli himoyachi joriy mavsum Bundesliganing 16 o‘yinida maydonga tushib, 1 gol urgan.
