«Manchester Yunayted»ning vaqtinchalik bosh murabbiyi Ralf Rangnik klub futbolchilari uning g‘oyalariga ishonmasliklari va murabbiylik usullariga shubha bilan qarashlari haqidagi mish-mishlarga izoh berdi.

“Bizda katta jamoa bor. Agar sizda shunchalik ko‘p o‘yinchi bo‘lsa va atigi 10 ta o‘yinchi o‘ynasa va zaxiradan uchta futbolchi maydonga tushsa, demak sizda o‘ynamaydigan yoki hatto tarkibga kira olmaydigan juda ko‘p o‘yinchilar bor. Bu futbolchilar vaziyatdan norozi. Bu aniq. Shartnomasi yozda tugaydigan futbolchilarimiz ham bor.

Ishonchim komilki, futbolchilar meni tinglashmoqda va o‘ylaymanki, so‘nggi o‘yinlarda biz ularga bergan maslahatlarimizga amal qilishga harakat qilishayotganini ko‘rsatishmoqda. Biz oldingiga qaraganda kamroq gol o‘tkazyapmiz. Har bir o‘yinda o‘rtacha 1,7 golga nisbatan 0,6 gacha kamaydi. Ammo hamma narsa muvozanatga bog‘liq. Biz hujum va himoya o‘rtasidagi eng yaxshi muvozanatni topishimiz kerak. Bu ham biz yaxshilashimiz kerak bo‘lgan narsadir", - deydi Rangnik.