«Манчестер Юнайтед»нинг вақтинчалик бош мураббийи Ральф Рангник клуб футболчилари унинг ғояларига ишонмасликлари ва мураббийлик усулларига шубҳа билан қарашлари ҳақидаги миш-мишларга изоҳ берди.

“Бизда катта жамоа бор. Агар сизда шунчалик кўп ўйинчи бўлса ва атиги 10 та ўйинчи ўйнаса ва захирадан учта футболчи майдонга тушса, демак сизда ўйнамайдиган ёки ҳатто таркибга кира олмайдиган жуда кўп ўйинчилар бор. Бу футболчилар вазиятдан норози. Бу аниқ. Шартномаси ёзда тугайдиган футболчиларимиз ҳам бор.

Ишончим комилки, футболчилар мени тинглашмоқда ва ўйлайманки, сўнгги ўйинларда биз уларга берган маслаҳатларимизга амал қилишга ҳаракат қилишаётганини кўрсатишмоқда. Биз олдингига қараганда камроқ гол ўтказяпмиз. Ҳар бир ўйинда ўртача 1,7 голга нисбатан 0,6 гача камайди. Аммо ҳамма нарса мувозанатга боғлиқ. Биз ҳужум ва ҳимоя ўртасидаги энг яхши мувозанатни топишимиз керак. Бу ҳам биз яхшилашимиз керак бўлган нарсадир", - дейди Рангник.