"Barselona" o‘z Twitter sahifasida Ispaniya chempionati 20-turidan o‘rin olgan "Granada"ga (1:1) qarshi o‘yinda zaxiraga olingan Erik Garsiyaning jarohati haqida ma’lumot e’lon qildi.

“Erik Garsiyaning o‘ng son payida og‘riq bor. Ertaga futbolchi jarohatning aniq tafsilotlarini aniqlash uchun qo‘shimcha testlardan o‘tadi", - deyiladi xabarda.

Ma’lumot uchun, 20 yoshli ispaniyalik futbolchi "Granada"ga qarshi bahsni asosiy tarkibda boshlagan va 54-daqiqada zaxiraga olingandi.

Garsiya joriy mavsum “Barselona” safida 19 ta o‘yin o‘tkazib, 2 ta qizil kartochka olgan.