«Real» bosh murabbiyi Karlo Anchelotti Ispaniya chempionatining 20-turidan o‘rin olgan «Valensiya»ga qarshi o‘yin (4:1) hamda "Barselona"ga qarshi o‘tadigan Ispaniya superkubogi bahsi borasida o‘z fikrini bildirib o‘tdi.

«Valensiya»ning tviti ("Madriddagi o‘g‘irlik yana takrorlanmoqda") borasida hech narsa deya olmayman, chunki penalti belgilangan vaziyatni qayta tomosha qilmadim. Uzoqdan qoidabuzarlik bordek ko‘rindi.

Mening ishim — uchrashuvga baho berish. Biz yaxshi o‘ynadik va g‘alabaga haqli edik. Ha, hisobni penaltidan ochdik, bu esa ishimizni osonlashdi. Ammo biz har jihatdan yaxshi harakat qildik. Dastlab mudofaada muammolarga duch keldik, bizni qarshi hujumda tutishdi. Keyinchalik esa vaziyatlar yuzaga keltira boshladik.

«Barselona» hamisha «Real»ning raqibi bo‘ladi. Shu bois, bu ikki jamoa o‘rtasidagi uchrashuv «el-klasiko» deyiladi. Nazariy jihatdan biz favorit bo‘lishimiz mumkin, ammo amalda barcha narsa maydonda hal etiladi. O‘yin 0:0 hisobi bilan boshlanadi va har ikki jamoa imkoniyatga ega.

Superkubok – muhim turnir, sovrin yutish uchun birinchi imkoniyat. Har bir jamoa sovrin yutishga intiladi. Biz ham bundan mustasno emasmiz. Bunda kim favorit bo‘lishining ahamiyati yo‘q», – dedi Anchelotti.

Eslatib o‘tamiz, "Real" va «Barselona» o‘rtasidagi Superkubokning yarim final uchrashuvi 12 yanvar kuni o‘tkaziladi.