«Реал» бош мураббийи Карло Анчелотти Испания чемпионатининг 20-туридан ўрин олган «Валенсия»га қарши ўйин (4:1) ҳамда "Барселона"га қарши ўтадиган Испания суперкубоги баҳси борасида ўз фикрини билдириб ўтди.

«Валенсия»нинг твити ("Мадриддаги ўғирлик яна такрорланмоқда") борасида ҳеч нарса дея олмайман, чунки пенальти белгиланган вазиятни қайта томоша қилмадим. Узоқдан қоидабузарлик бордек кўринди.

Менинг ишим — учрашувга баҳо бериш. Биз яхши ўйнадик ва ғалабага ҳақли эдик. Ҳа, ҳисобни пенальтидан очдик, бу эса ишимизни осонлашди. Аммо биз ҳар жиҳатдан яхши ҳаракат қилдик. Дастлаб мудофаада муаммоларга дуч келдик, бизни қарши ҳужумда тутишди. Кейинчалик эса вазиятлар юзага келтира бошладик.

«Барселона» ҳамиша «Реал»нинг рақиби бўлади. Шу боис, бу икки жамоа ўртасидаги учрашув «эл-класико» дейилади. Назарий жиҳатдан биз фаворит бўлишимиз мумкин, аммо амалда барча нарса майдонда ҳал этилади. Ўйин 0:0 ҳисоби билан бошланади ва ҳар икки жамоа имкониятга эга.

Суперкубок – муҳим турнир, соврин ютиш учун биринчи имконият. Ҳар бир жамоа соврин ютишга интилади. Биз ҳам бундан мустасно эмасмиз. Бунда ким фаворит бўлишининг аҳамияти йўқ», – деди Анчелотти.

Эслатиб ўтамиз, "Реал" ва «Барселона» ўртасидаги Суперкубокнинг ярим финал учрашуви 12 январь куни ўтказилади.