Madridning “Real” klubi sobiq bosh murabbiyi Zinedin Zidan PSJ bilan shartnoma borasida kelishib oldi, deb xabar beradi “Sport.es”.
Manbaning xabariga ko‘ra, mutaxassis parijliklar bilan shaxsiy shartnoma shartlarini kelishib olgan va yozda klubni boshqaradi. PSJ rahbariyati jamoaning amaldagi ustozi Maurisio Pochettinoga ishonmayapti, shuning uchun ular fransiyalik murabbiyga murojaat qilishdi.
49 yoshli Zidan 2021 yilning yozidan buyon, ya’ni “Real”ni tark etganidan beri ishsiz edi. Ispaniya klubi bilan fransiyalik mutaxassis 11 ta sovrinni qo‘lga kiritdi.
Parijliklar 19 o‘yinda 46 ochko to‘pladi va Fransiya ligasining 2021/2022 yilgi mavsumi turnir jadvalida 1-o‘rinni egallab turibdi. Kuchli uchlikka “Marsel” (36) va “Nissa” (33) yakun yasagan.
