Мадриднинг “Реал” клуби собиқ бош мураббийи Зинедин Зидан ПСЖ билан шартнома борасида келишиб олди, деб хабар беради “Sport.es”.
Манбанинг хабарига кўра, мутахассис парижликлар билан шахсий шартнома шартларини келишиб олган ва ёзда клубни бошқаради. ПСЖ раҳбарияти жамоанинг амалдаги устози Маурисио Почеттинога ишонмаяпти, шунинг учун улар франциялик мураббийга мурожаат қилишди.
49 ёшли Зидан 2021 йилнинг ёзидан буён, яъни “Реал”ни тарк этганидан бери ишсиз эди. Испания клуби билан франциялик мутахассис 11 та совринни қўлга киритди.
Парижликлар 19 ўйинда 46 очко тўплади ва Франция лигасининг 2021/2022 йилги мавсуми турнир жадвалида 1-ўринни эгаллаб турибди. Кучли учликка “Марсел” (36) ва “Ницца” (33) якун ясаган.
