«Lasio» yulduzi Chiro Immobile so‘nggi olti mavsumning har birida kamida 15 ta gol urgan uchinchi futbolchiga aylanishi mumkin.
Rimliklar sardorida bugun tunda «Inter»ga qarshi bo‘lib o‘tadigan o‘yin oldidan 14 ta gol mavjud.
Agar u «neradzurrilar»ga qarshi o‘yinda raqib darvozasini ishg‘ol qilsa, oxirgi olti mavsumning har birida kamida 15 ta gol urgan uchinchi futbolchiga aylanadi.
Bu jarayonda Chirogacha faqat Muhammad Saloh va Robert Levandovskilar ichki ligada shuncha gol urishga muvaffaq bo‘lishgan.
Ma’lumot uchun, «Liverpul» vingeri joriy mavsum Premyer-liganing 20 o‘yinida 16 ta gol urgan bo‘lsa, polshalik futbolchi 2021/22 yilgi mavsumda Bundesliganing 18 ta o‘yinida 20 ta gol urishga erishgan.
