Italiya chempionatining 21-turi doirasida “Lasio” “Inter”ga imkoniyatni boy berdi (1:2).
Rimliklarning bu o‘yindagi yagona goliga hujumchi Chiro Immobile mualliflik qildi. 31 yoshli hujumchi uchun bu to‘p A seriya joriy mavsumdagi 15-gol bo‘ldi.
Italiyalik futbolchi o‘zining so‘nggi olti mavsumida 15 ta gol urishga muvaffaq bo‘ldi. U Robert Levandovski (“Bavariya”) va Muhammad Saloh (“Liverpul”)dan keyin Yevropaning top-5 ligasida bunday natijaga erishgan uchinchi futbolchiga aylandi.
Ma’lumot o‘rnida, so‘nggi yillarning haqiqiy qahramonlari hisoblangan Leo Messi va Krishtianu Ronaldu ushbu mavsum hali 15 ta gol urgani yo‘q va mazkur ro‘yxatdan joy olmadi.
