Италия чемпионатининг 21-тури доирасида “Лацио” “Интер”га имкониятни бой берди (1:2).

Римликларнинг бу ўйиндаги ягона голига ҳужумчи Чиро Иммобиле муаллифлик қилди. 31 ёшли ҳужумчи учун бу тўп А серия жорий мавсумдаги 15-гол бўлди.

Италиялик футболчи ўзининг сўнгги олти мавсумида 15 та гол уришга муваффақ бўлди. У Роберт Левандовски (“Бавария”) ва Муҳаммад Салоҳ (“Ливерпуль”)дан кейин Европанинг топ-5 лигасида бундай натижага эришган учинчи футболчига айланди.

Маълумот ўрнида, сўнгги йилларнинг ҳақиқий қаҳрамонлари ҳисобланган Леo  Месси ва Криштиану Роналду ушбу мавсум ҳали 15 та гол ургани йўқ ва мазкур рўйхатдан жой олмади.