2021 yil U-18 chempionatining tashkil etilgani bilan yodda qoldi. Mazkur chempionat bundan buyon U-19 chempionati sifatida o‘tkazilishi mumkin. Katta futbolga kirishib ketishda muammolarga duch kelayotgan yosh avlod uchun bu qaror yana bir yillik imkoniyat taqdim etadi. Tez orada mazkur masalaga to‘la oydinlik kiritiladi.

Ma’lumot uchun: OFK talabiga ko‘ra, U-15 hamda U-21 toifasi orasida klub eng kamida ikki jamoaga ega bo‘lishi kerak. Mazkur talablar bosqichma-bosqich amalga oshyapti. 2022 yilda bizda U-21, U-19, U-16, U-14, U-12, U-10 kabi musobaqalar o‘tkazish imkoniyati mavjud. Keyinchalik har bir bo‘sh turgan yosh toifa birma-bir to‘ldirib boriladi. Idealda U-10 dan U-23 gacha bo‘lgan toifalardagi har bir yosh uchun alohida-alohida chempionat bo‘lishi lozim.