«Barselona» himoyachisi Jerar Pike Ispaniya Superkubogi yarimfinalida «Real»ga qarshi o‘yin oldidan fikrlari bilan o‘rtoqlashdi.

«Biz ushbu o‘yinga qulay vaqtda yaqinlashmoqdamiz. Hali o‘samiz va o‘ylaymanki, biz yaxshi o‘ynaymiz va finalga chiqa olamiz.

Albatta, chempionlikni qo‘lga kiritish bizga ishonch bag‘ishlaydi. Bu kelgusi oylarda jamoaga juda yaxshi ta’sir qiladi va jamoa sifatida o‘sishimizga yordam beradi», deydi Pike.

Eslatib o‘tamiz, «Barselona» - «Real» uchrashuvi 12 yanvar kuni bo‘lib o‘tadi.