«Yuventus» bosh murabbiyi Massimiliano Allegri Italiya superkubogi doirasida bo‘lib o‘tadigan «Inter»ga qarshi o‘yin arafasida o‘z fikrlari bilan o‘rtoqlashdi.

«Biz uzatmalar berishda sifatliroq harakat qilishimiz va xotirjamlikni yo‘qotmasligimiz zarur. Biz himoyadan hujumga o‘tishda shoshyapmiz, aslida bunday qilmasligimiz kerak. «Inter» – jismoniy jihatdan yaxshi tayyorlangan jamoa. Ertaga biz har bir vaziyatdan unumli foydalanishimiz kerak.

Bizga vaqt kerak. Boisi, tajriba o‘yinlar orqali orttiriladi. Top-klub bo‘lishni istasak, ertaga g‘alaba qozonishimiz shart.

Bu o‘yinda har qanday natija qayd etilishi mumkin, ammo chempionatda kuchli jamoa g‘alaba qozonadi. Avval o‘zimizdan yuqorida borayotgan jamoalarni quvib yetishimiz kerak. Shundan so‘ng keyingi mavsumda sovrin uchun kurasha olishimiz mumkinligiga ishonch hosil qilamiz», – dedi Allegri.

 «Inter» – «Yuventus» uchrashuvi 12 yanvar kuni Milan shahridagi «San-Siro» stadionida bo‘lib o‘tadi.