“Tuttoatalanta” nashri xabariga ko‘ra, “Atalanta” yarimhimoyachisi Aleksey Miranchuk boshqa italyan klubining qiziqishlari doirasiga tushib qolgan.

Manbaga ko‘ra, iqtidorli rossiyalik “Sampdoriya”ning nishonida bo‘lib turibdi. Klub 26 yoshli yarimhimoyachini keyinchalik sotib olish imkoniyati bilan ijaraga olishga tayyor. “Atalanta” rossiyalikni qo‘yib yuborishga tayyor, ammo to‘liq to‘lov evaziga – 15 million yevro.

Joriy mavsumda Miranchuk 13 ta o‘yinda maydonga tushib, 1 ta gol va 2 ta golli uzatmaga mualliflik qilgan.