“Tuttoatalanta” нашри хабарига кўра, “Аталанта” яримҳимоячиси Алексей Миранчук бошқа итальян клубининг қизиқишлари доирасига тушиб қолган.

Манбага кўра, иқтидорли россиялик “Сампдория”нинг нишонида бўлиб турибди. Клуб 26 ёшли яримҳимоячини кейинчалик сотиб олиш имконияти билан ижарага олишга тайёр. “Аталанта” россияликни қўйиб юборишга тайёр, аммо тўлиқ тўлов эвазига – 15 миллион евро.

Жорий мавсумда Миранчук 13 та ўйинда майдонга тушиб, 1 та гол ва 2 та голли узатмага муаллифлик қилган.