O‘FA tomonidan murabbiy, selesioner (skaut), tahlilchi, hakam, marketolog, psixolog va futbol menejeri kabi yuqori malakali futbol mutaxassislarini tayyorlash, qayta tayyorlash va malakasini oshirish borasida qator tizimli ishlar amalga oshirib kelinmoqda. Markaz tomonidan ushbu yo‘nalishlarda yetuk kadrlar tayyorlash maqsad qilingan.
Ayni kunlarda Toshkent shahrida “PRO” diplomi dasturi bo‘yicha kurslar davom etmoqda. Tajribali mutaxassis, OFKning strategik rejalashtirish, klub futboli, marketing va infratuzilmani boshqarish bo‘yicha maslahatchisi Elnur Mamedov mazkur kursning instruktori sifatida ishlamoqda. Unga mahalliy mutaxassis Islom Ahmedov assistentlik qilmoqda. O‘quv kursida yurtimizning o‘tmishdagi ko‘plab nomdor futbolchilari bilan bir qatorda Osiyoning qator mamlakatlaridan kelgan taniqli murabbiylar qatnashib, yangi nazariy hamda amaliy bilim va ko‘nikmalarga ega bo‘lmoqda.
