ЎФА томонидан мураббий, селеционер (скаут), таҳлилчи, ҳакам, маркетолог, психолог ва футбол менежери каби юқори малакали футбол мутахассисларини тайёрлаш, қайта тайёрлаш ва малакасини ошириш борасида қатор тизимли ишлар амалга ошириб келинмоқда. Марказ томонидан ушбу йўналишларда етук кадрлар тайёрлаш мақсад қилинган.

Айни кунларда Тошкент шаҳрида “PRO” дипломи дастури бўйича курслар давом этмоқда. Тажрибали мутахассис, ОФКнинг стратегик режалаштириш, клуб футболи, маркетинг ва инфратузилмани бошқариш бўйича маслаҳатчиси Элнур Мамедов мазкур курснинг инструктори сифатида ишламоқда. Унга маҳаллий мутахассис Ислом Аҳмедов ассистентлик қилмоқда. Ўқув курсида юртимизнинг ўтмишдаги кўплаб номдор футболчилари билан бир қаторда Осиёнинг қатор мамлакатларидан келган таниқли мураббийлар қатнашиб, янги назарий ҳамда амалий билим ва кўникмаларга эга бўлмоқда.