Sobiq «Arsenal» futbolchisi Emmanuel Adebayor nima uchun Fransiya terma jamoasini emas, Togo termasini tanlagani haqida fikr bildirdi. Hujumchi bu haqida shunday deydi:
«Men ushbu qarorni keyinchalik qabul qilganman. Chunki 15-16 yoshlarimda menda tanlash imkoni bo‘lmagan. Ulg‘aygach esa, o‘zimni Fransuz sifatida, Fransiya termasida ko‘ra olmadim. Men o‘z uyimga qaytishim kerak edi. Men togolikman. Men u yerda tug‘ilganman.
Shunday ekan, bir kun kelib afrikalik sifatida o‘lim topaman. Shu narsalarni o‘ylab ham bu qarorga keldim. Dunyoda ona yurtdan yaxshiroq joyning o‘zi yo‘q. Qayerda bo‘lma, asling kim ekanini unutmasliging kerak. Men futbolchi sifatida besh marta Afrika chempionatida ishtirok etdim va bundan baxtiyorman».
Adebayor o‘smirlik chog‘ida Fransiya yoshlar terma jamoasida to‘p tepgan. Keyinchalik esa, Togo terma jamoasi sharafini himoya qila boshlagan.
