Yarim himoyachi Yuri Tilemans yozda “Lester”ni tark etishi mumkin.

Goal.com xabariga ko‘ra, 24 yoshli belgiyalik futbolchining transferiga "Arsenal" qiziqish bildirmoqda.

"Kanonirlar"ning fikricha, jamoa chempionlar ligasiga yo‘l olsa, amaldagi jamoasi bilan shartnomasini uzaytirishni rejalashtirmagan futbolchi uchun yaxshi variantga aylanishi mumkin.

"Arsenal" vakillari va Tilemansning agenti o‘rtasida muzokaralar allaqachon bo‘lib o‘tdi, ularning maqsadi vaziyat va uning rivojlanish istiqbollarini baholash edi.

Ma’lumot uchun, Tilemans joriy mavsumda Premyer-ligada 14 ta o‘yin o‘tkazib, 5 ta gol urdi.