«Aston Villa» hamda Angliya terma jamoalari sobiq futbolchisi Gabriel Agbonlaxor Ronaldu haqida fikr bildirdi. U shunday deydi:

«Ronaldu har safar maydonda harakat qilganida qarigani sezilib qolmoqda. Ronaldu hamda Kavani juftligi har doim ham ish bermaydi. Negaki, ular birga harakat qilganida, birini yarim himoyaga qo‘yishga majbur bo‘linadi. Bu esa Fernandeshni maydonga tushishiga to‘siq bo‘lmoqda.

Barcha Fernandeshning o‘yinida o‘zgarishlarni sezib ulgurgan. Bu esa aynan Ronalduning ta’siri sabab yuz bermoqda. Ronaldu kelmasidan oldin Brunu jamoaning haqiqiy yetakchisi edi. Hozir esa Ronaldu birinchi raqamga aylangan. Ha, u gollar urmoqda. Ammo uning gollarini aslida Grinvud kiritishi kerak edi.

Ja bo‘lmasa, Reshford qilishi kerak edi, bu ishni. Ammo Ronaldu kelganidan keyin ular ham ko‘rinmay qoldi. Menimcha, yozda Ronaldu bilan xayrlashish kerak. Uning o‘rniga Reshford, Sancho hamda Grinvuddan foydalanish lozim».

Eslatib o‘tamiz, Ronaldu hisobida bu mavsumda jami 14ta gol bor.