«Астон Вилла» ҳамда Англия терма жамоалари собиқ футболчиси Габриэль Агбонлахор Роналду ҳақида фикр билдирди. У шундай дейди:

«Роналду ҳар сафар майдонда ҳаракат қилганида қаригани сезилиб қолмоқда. Роналду ҳамда Кавани жуфтлиги ҳар доим ҳам иш бермайди. Негаки, улар бирга ҳаракат қилганида, бирини ярим ҳимояга қўйишга мажбур бўлинади. Бу эса Фернандешни майдонга тушишига тўсиқ бўлмоқда.

Барча Фернандешнинг ўйинида ўзгаришларни сезиб улгурган. Бу эса айнан Роналдунинг таъсири сабаб юз бермоқда. Роналду келмасидан олдин Бруну жамоанинг ҳақиқий етакчиси эди. Ҳозир эса Роналду биринчи рақамга айланган. Ҳа, у голлар урмоқда. Аммо унинг голларини аслида Гринвуд киритиши керак эди.

Жа бўлмаса, Решфорд қилиши керак эди, бу ишни. Аммо Роналду келганидан кейин улар ҳам кўринмай қолди. Менимча, ёзда Роналду билан хайрлашиш керак. Унинг ўрнига Решфорд, Санчо ҳамда Гринвуддан фойдаланиш лозим».

Эслатиб ўтамиз, Роналду ҳисобида бу мавсумда жами 14та гол бор.