Yarimhimoyachi Jek Grilishning o‘tgan yozda “Aston Villa”dan “Manchester Siti”ga o‘tishi “shaharliklar” muxlislari tomonidan yaxshi kutib olindi. Boz ustiga, turli manbalarga ko‘ra, 100 million yevrodan oshib ketganidan ushbu futbolchidan umid katta deya taxmin qilishgandi.

Biroq, olti oy o‘tgach, futbolchi mavsumdagi deyarli eng katta omadsizlik deb atalmoqda. Buni Grilishning statistikasi ko‘rsatib turibdi.

“Whoscored” portali Premyer-liganing joriy mavsumida pleymeyker jamoaning 14 o‘yinda atigi to‘rtta golda bevosita ishtirok etganini ta’kidladi. “Siti” markaziy himoyachisi Ruben Dias ham xuddi shunday ko‘rsatkichga ega.