Яримҳимоячи Жек Грилишнинг ўтган ёзда “Астон Вилла”дан “Манчестер Сити”га ўтиши “шаҳарликлар” мухлислари томонидан яхши кутиб олинди. Боз устига, турли манбаларга кўра, 100 миллион евродан ошиб кетганидан ушбу футболчидан умид катта дея тахмин қилишганди.
Бироқ, олти ой ўтгач, футболчи мавсумдаги деярли энг катта омадсизлик деб аталмоқда. Буни Грилишнинг статистикаси кўрсатиб турибди.
“Whoscored” портали Премьер-лиганинг жорий мавсумида плеймейкер жамоанинг 14 ўйинда атиги тўртта голда бевосита иштирок этганини таъкидлади. “Сити” марказий ҳимоячиси Рубен Диас ҳам худди шундай кўрсаткичга эга.
