Angliyaning “Nyukasl” klubi Turinning “Yuventus” klubi hujumchisi Deyan Kulushevskiga qiziqish bildirmoqda. “The Sun” nashri xabariga ko‘ra, “qarg‘alar” futbolchi uchun Angliyaning yana ikki klubi – “Arsenal” va “Tottenxem” bilan kurashishga tayyor.

Biroq yanvar oyida kelishuvni amalga oshirish qiyin kechadi, chunki “Yuventus” asosiy futbolchisi Federiko Kyezadan uzoq muddatga ayrilgan. Shu sababdan “byankonerilar” Kyeza bilan bir xil pozisiyada o‘ynay oladigan Kulushevskini qo‘yib yuborishga rozi bo‘lmasligi mumkin.

Eslatib o‘tamiz, “Nyukasl” allaqachon “Atletiko”dan Kiran Trippyerni, shuningdek, “Byornli”dan Kris Vudni ham sotib olgan. Ikkala transfer “qarg‘alar”ga 45 million yevroga tushdi.