Англиянинг “Ньюкасл” клуби Туриннинг “Ювентус” клуби ҳужумчиси Деян Кулушевскига қизиқиш билдирмоқда. “The Sun” нашри хабарига кўра, “қарғалар” футболчи учун Англиянинг яна икки клуби – “Арсенал” ва “Тоттенхэм” билан курашишга тайёр.
Бироқ январь ойида келишувни амалга ошириш қийин кечади, чунки “Ювентус” асосий футболчиси Федерико Кьезадан узоқ муддатга айрилган. Шу сабабдан “бьянконерилар” Кьеза билан бир хил позицияда ўйнай оладиган Кулушевскини қўйиб юборишга рози бўлмаслиги мумкин.
Эслатиб ўтамиз, “Ньюкасл” аллақачон “Атлетико”дан Киран Триппьерни, шунингдек, “Бёрнли”дан Крис Вудни ҳам сотиб олган. Иккала трансфер “қарғалар”га 45 миллион еврога тушди.
