«Sevilya» yarimhimoyachisi Ibraim Amadu Fransiyaning «Mes» klubiga o‘tdi.

28 yoshli fransiyalik futbolchi erkin agent sifatida «Sevilya»ni tark etgan. Amadu bilan shartnoma joriy mavsum yakuniga qadar imzolangan, deb xabar beradi fransuz klubi rasmiy sayti.

Ibraim 2018 yilning yozida «Lill»dan 14 million yevro evaziga «Sevilya»ga o‘tgan edi, biroq u Ispaniyada o‘zini ko‘rsata olmadi.

Amadu har doim ijara asosida boshqa klub safiga borib qo‘shilardi, u «Norvich», «Leganes» va «Anje» klublarida o‘ynagan.