Angliya Liga kubogi yarim finalidan o‘rin olgan "Liverpul" – "Arsenal" uchrashuviga (0:0) oid qiziqarli fakt va statistikalar bilan tanishing.
– “Liverpul” raqib darvozasi tomon 17 ta zarba berdi, ularning faqat bittasi aniq bordi. “Arsenal”ning uchta zarbasidan bittasi aniq chiqdi;
– Granit Jaka “Arsenal”ga kelgan 2016/17 yilgi mavsum boshidan beri 5 ta qizil kartochka oldi. Bu APL o‘yinchilari orasida mazkur vaqt ichidagi eng yomon ko‘rsatkich hisoblanadi;
– “Liverpul” o‘yinning 77,5% qismida to‘pga egalik qildi, “Arsenal”da — 22,5%. “Kanonirlar” o‘yinning 24-daqiqasida bir o‘yinchi kam bo‘lib qolgandi;
– Yurgen Klopp jamoasi so‘nggi olti o‘yinda asosiy vaqtda faqat bitta g‘alabaga erishdi, unda ham uchinchi divizion vakili taslim etilgandi. Shuningdek, “Liverpul” penaltilar seriyasida “Lester”ni yenggan, uch o‘yinda durang qayd etgan va bir bahsda mag‘lub bo‘lgan.
