Англия Лига кубоги ярим финалидан ўрин олган "Ливерпуль" – "Арсенал" учрашувига (0:0) оид қизиқарли факт ва статистикалар билан танишинг.

– “Ливерпуль” рақиб дарвозаси томон 17 та зарба берди, уларнинг фақат биттаси аниқ борди. “Арсенал”нинг учта зарбасидан биттаси аниқ чиқди;

– Гранит Жака “Арсенал”га келган 2016/17 йилги мавсум бошидан бери 5 та қизил карточка олди. Бу АПЛ ўйинчилари орасида мазкур вақт ичидаги энг ёмон кўрсаткич ҳисобланади;

– “Ливерпуль” ўйиннинг 77,5% қисмида тўпга эгалик қилди, “Арсенал”да — 22,5%. “Канонирлар” ўйиннинг 24-дақиқасида бир ўйинчи кам бўлиб қолганди;

– Юрген Клопп жамоаси сўнгги олти ўйинда асосий вақтда фақат битта ғалабага эришди, унда ҳам учинчи дивизион вакили таслим этилганди. Шунингдек, “Ливерпуль” пеналтилар сериясида “Лестер”ни енгган, уч ўйинда дуранг қайд этган ва бир баҳсда мағлуб бўлган.