Bugun shuningdek, Abduhamid Qodirov ustozligidagi o‘rinbosarlarimiz ham ilk sinov-nazorat o‘yinini o‘tkazdi.
Dilshod Nuraliyev boshchiligidagi “Lokomotiv” o‘rinbosarlari bilan kuch sinashgan tarbiyalanuvchilarimiz jangovor durangga imzo chekdi. Abduazim Ortiqovning dubli evaziga qisqa vaqt ichida hisobda oldinga chiqib olgan “qaldirg‘ochlarimiz” xotirjamlikka berilishi natijasida ikkita gol o‘tkazib yubordi. Hisob tenglashgach yana “jonlangan” tarbiyalanuvchilarimiz dubl muallifi Abduazim Ortiqovning faolligi evaziga penalti tepish imkoniyatini qo‘lga kiritgan edi, biroq nuqtaga yaqinlashgan Sirojiddin Bashriddinov o‘z hisobiga gol yozib qo‘ya olmadi. Birinchi bo‘limdayoq urilgan gollar yakunda o‘yin taqdirini hal qildi.
NAZORAT UCHRASHUVI
“BUNYODKOR” – “LOKOMOTIV” – 2:2
“Bunyodkor”: Gleb Xarin (Mirsaid Tursunmatov), Diyor Karimov (Zuhriddin Ibodullayev), Jasur Xoldorov (Oybek Shomurodov; Jahongir Fozilov), Aleksandr Zevadinov (Xusan Mo‘minov), Sirojiddin Bashriddinov (Tohir To‘xtasinov), Abduazim Ortiqov (Muhammad Bobur Asadullayev), Ikrom Erkinov (Shahzod Akbaraliyev), Kirill Volnuxin (Azamat Abdurashidov), Iskandar Soliyev (Ibrohim Bahodirov), Andrey Gulyamov (Sudaysiy Jo‘raboyev), Nodir Jamolov (Bobur Yorbekov).
Gollar: Abduazim Ortiqov (2ta).
