Бугун шунингдек, Абдуҳамид Қодиров устозлигидаги ўринбосарларимиз ҳам илк синов-назорат ўйинини ўтказди.
Дилшод Нуралиев бошчилигидаги “Локомотив” ўринбосарлари билан куч синашган тарбияланувчиларимиз жанговор дурангга имзо чекди. Абдуазим Ортиқовнинг дубли эвазига қисқа вақт ичида ҳисобда олдинга чиқиб олган “қалдирғочларимиз” хотиржамликка берилиши натижасида иккита гол ўтказиб юборди. Ҳисоб тенглашгач яна “жонланган” тарбияланувчиларимиз дубл муаллифи Абдуазим Ортиқовнинг фаоллиги эвазига пенальти тепиш имкониятини қўлга киритган эди, бироқ нуқтага яқинлашган Сирожиддин Башриддинов ўз ҳисобига гол ёзиб қўя олмади. Биринчи бўлимдаёқ урилган голлар якунда ўйин тақдирини ҳал қилди.
НАЗОРАТ УЧРАШУВИ
“БУНЁДКОР” – “ЛОКОМОТИВ” – 2:2
“Бунёдкор”: Глеб Харин (Мирсаид Турсунматов), Диёр Каримов (Зуҳриддин Ибодуллаев), Жасур Холдоров (Ойбек Шомуродов; Жаҳонгир Фозилов), Александр Зевадинов (Хусан Мўминов), Сирожиддин Башриддинов (Тоҳир Тўхтасинов), Абдуазим Ортиқов (Муҳаммад Бобур Асадуллаев), Икром Эркинов (Шаҳзод Акбаралиев), Кирилл Волнухин (Азамат Абдурашидов), Искандар Солиев (Иброҳим Баҳодиров), Андрей Гулямов (Судайсий Жўрабоев), Нодир Жамолов (Бобур Ёрбеков).
Голлар: Абдуазим Ортиқов (2та).
