Madridning “Real” klubi bosh murabbiyi Karlo Anchelotti jamoasining Ispaniya Superkubogidagi o‘yinlaridan mamnun bo‘ldi. “Atletik” bilan hal qiluvchi o‘yindan so‘ng italiyalik mutaxassis mavsumda qo‘lga kiritilgan ilk kubokdan keyin o‘z his-tuyg‘ulari bilan o‘rtoqlashdi.
“Juda xursandman, biz ikkita gigant jamoa bilan yaxshi o‘ynadik. Bu oldinga siljish uchun turtki. Bayramni nishonlashga ko‘p vaqtimiz yo‘q. Biz boshqa turnirlarda ham qatnashishimiz kerak”, - dedi Anchelotti.
Eslatib o‘tamiz, finalda “qaymoqranglilar” raqibni 2:0 hisobida mag‘lub etgan bo‘lsa, bir necha kun oldin qo‘shimcha bo‘limlarda “Barselona”ni mag‘lub etgandi.
