Мадриднинг “Реал” клуби бош мураббийи Карло Анчелотти жамоасининг Испания Суперкубогидаги ўйинларидан мамнун бўлди. “Атлетик” билан ҳал қилувчи ўйиндан сўнг италиялик мутахассис мавсумда қўлга киритилган илк кубокдан кейин ўз ҳис-туйғулари билан ўртоқлашди.
“Жуда хурсандман, биз иккита гигант жамоа билан яхши ўйнадик. Бу олдинга силжиш учун туртки. Байрамни нишонлашга кўп вақтимиз йўқ. Биз бошқа турнирларда ҳам қатнашишимиз керак”, - деди Анчелотти.
Эслатиб ўтамиз, финалда “қаймоқранглилар” рақибни 2:0 ҳисобида мағлуб этган бўлса, бир неча кун олдин қўшимча бўлимларда “Барселона”ни мағлуб этганди.
