“Inter” bosh direktori Juzeppe Marotta Milan klubi “Yuventus” hujumchisi Paulo Dibalaga qiziqish bildirayotgani haqidagi mish-mishlarga javob berdi.
“Dibala darajasidagi o‘yinchining shartnoma muddati tugasa, u yoki bu klub bilan bog‘lanishi tabiiy. Vaholanki, tarkibimizda to‘rtta hujumchi bor, ulardan juda mamnunmiz. Bizni bu pozisiya uchun yangi xaridlar qiziqtirmaydi.
Dibalani qo‘lga kiritish ko‘plab klublar uchun ushalgan orzu bo‘lardi va biz bozorning rivojlanishini kuzatib boryapmiz, ammo hozir tarkibimizdan mamnunmiz va “Inter”da o‘ynab kelayotgan hujumchilarga hurmat ko‘rsatmoqchimiz”, - deya Marottaning so‘zlaridan keltirdi “Football Italia”.
