“Интер” бош директори Жузеппе Маротта Милан клуби “Ювентус” ҳужумчиси Пауло Дибалага қизиқиш билдираётгани ҳақидаги миш-мишларга жавоб берди.
“Дибала даражасидаги ўйинчининг шартнома муддати тугаса, у ёки бу клуб билан боғланиши табиий. Ваҳоланки, таркибимизда тўртта ҳужумчи бор, улардан жуда мамнунмиз. Бизни бу позиция учун янги харидлар қизиқтирмайди.
Дибалани қўлга киритиш кўплаб клублар учун ушалган орзу бўларди ва биз бозорнинг ривожланишини кузатиб боряпмиз, аммо ҳозир таркибимиздан мамнунмиз ва “Интер”да ўйнаб келаётган ҳужумчиларга ҳурмат кўрсатмоқчимиз”, - дея Мароттанинг сўзларидан келтирди “Football Italia”.
