“Real” futbolchilari Marko Asensio va Dani Karvaxal 20 yanvar kuni bo‘lib o‘tadigan “Elche”ga qarshi Ispaniya kubogi doirasidagi o‘yinini o‘tkazib yuborishi kutilmoqda. Asensio mushaklaridan jarohat oldi va kamida keyingi ikki o‘yinni o‘tkazib yuborishi aytilgan.
Karvaxal koronavirus sababli Saudiya Arabistonida 19 yanvar, chorshanba kuniga qadar qolishi kerak. Bir necha kun oldin o‘yinchida Covid testi ijobiy chiqdi.
Eslatib o‘tamiz, Eder Militao ham Superkubok bahsida qizil kartochka olgani uchun “Elche”ga qarshi o‘ynay olmaydi.
Sababi, Ispaniya Superkubogi ham, Qirol kubogi ham Ispaniya futbol federasiyasi tomonidan o‘tkazilgani sababli, har qanday chetlatish boshqa musobaqalarga ham ta’sir o‘tkazadi. Shuning uchun Eder diskvalifikasiyasi sabab “Elche”ga qarshi o‘yinda jamoasiga yordam berolmaydi.
