“Реал” футболчилари Марко Асенсио ва Дани Карвахал 20 январь куни бўлиб ўтадиган “Эльче”га қарши Испания кубоги доирасидаги ўйинини ўтказиб юбориши кутилмоқда. Асенсио мушакларидан жароҳат олди ва камида кейинги икки ўйинни ўтказиб юбориши айтилган.

Карвахал коронавирус сабабли Саудия Арабистонида 19 январь, чоршанба кунига қадар қолиши керак. Бир неча кун олдин ўйинчида Covid тести ижобий чиқди.

Эслатиб ўтамиз, Эдер Милитао ҳам Суперкубок баҳсида қизил карточка олгани учун “Эльче”га қарши ўйнай олмайди.

Сабаби, Испания Суперкубоги ҳам, Қирол кубоги ҳам Испания футбол федерацияси томонидан ўтказилгани сабабли, ҳар қандай четлатиш бошқа мусобақаларга ҳам таъсир ўтказади. Шунинг учун Эдер дисквалификацияси сабаб “Эльче”га қарши ўйинда жамоасига ёрдам беролмайди.