“Manchester Yunayted” “Aston Villa” yarimhimoyachisi Jon Makginni sotib olishi mumkin. Shotlandiyalik futbolchi anchadan beri “qizil iblislar”ning radarida bo‘lib turibdi, biroq bu masala haligacha rasmiy taklifgacha etib borgani yo‘q.

“The Telegraph” nashri xabariga ko‘ra, “Aston Villa” qishki transfer oynasida mavsum o‘rtasida o‘z yetakchilaridan birini qo‘yib yuborishni istamayapti, shu sababli “Manchester Yunayted” kelasi yozda Makginni sotib olmoqchi.

Makgin joriy mavsumda “Aston Villa” tarkibida 17 ta o‘yinda maydonga tushib, 3 ta gol va 2 ta golli uzatmani amalga oshirdi.