Hujumchi Aleksandr Lyakazett tez orada “Arsenal”ni tark etmoqchi, biroq u yangi jamoa tanlashda ehtiyotkor bo‘ladi.
"The Telegraph" nashrining yozishicha, fransiyalik futbolchi “Nyukasl”ning “saxovatli taklif”ini rad etgan.
Ajoyib moliyaviy sharoitga qaramay, hujumchi ligada jon saqlash uchun kurashayotgan klubda o‘ynamoqchi emas.
30 yoshli fransiyalik futbolchining “kanonirlar” bilan amaldagi shartnomasi joriy mavsum oxirigacha amal qiladi. "Arsenal" futbolchiga 1 yillik shartnoma uzaytirishni taklif qilgan, bu esa unga to‘g‘ri kelmagan. Futbolchi agentga unga uzoq muddatli shartnoma taklif qiladigan klub topishni buyurgan.
